September 23, 2021

ڪشميري عوام سان يڪجهتي: وڏي وزير مراد علي شاهه جي اڳواڻي ۾ ريلي ڪڍي وئي

ڪشميري عوام سان يڪجهتي جي اظهار لاءِ وزيراعليٰ هائوس مان ريلي ڪڍي وئي

صوبائي وزير، ڊي جي رينجرز، چيف سيڪريٽري، آءِ جي پوليس ۽ ٻين اعليٰ آفيسرن شرڪت ڪئي

ڪراچي: (اسٽاف رپورٽر) ڪشميري عوام سان يڪجهتي جي اظهار لاءِ وزيراعليٰ هائوس مان مراد علي جي شاهه جي اڳواڻي ۾ ريلي ڪڍي وئي.رپورٽ موجب ڪشميري عوام سان يڪجهتي جي اظهار لاءِ وزيراعليٰ هائوس مان ريلي ڪڍي وئي. ريلي جي  اڳواڻي وڏي وزير مراد علي شاهه ڪئي. ريلي ۾ صوبائي وزير، ڊي جي رينجرز، چيف سيڪريٽري، آءِ جي پوليس ۽ ٻين اعليٰ آفيسرن شرڪت ڪئي.  ريلي ۾ شرڪت ڪندڙن ٻانهن تي ڪاريون پٽيون ٻڌي ڪشمير ۾ ڀارتي ظلمن خلاف احتجاج ڪيو. وزيراعليٰ هائوس ۾ پاڪستان ۽ ڪشمير جا جهنڊا ڦڙڪايا ويا. وزيراعليٰ هائوس ۾ ريلي جو انتظام ڪمشنر ڪراچي ڪيو. شرڪت ڪندڙن ڪشميري ڀائرن سان يڪجهتي جو اظهار ڪيو. ٻئي طرف سنڌ جي گورنر به پنهنجي پيغام ۾  چيو آهي ته پنج آگسٽ 2019 تي هندوستان هڪ طرفا قدم لاڳو ڪري ظلمن جو سلسلو شروع ڪيو.   پاڪستان جي وزيراعظم ڪشميرين جي سفير جي طور تي آواز اٿاريو.