October 26, 2021

آمريڪا افغان شهري مارڻ جو اعتراف ڪري ورتو

واشنگٽن (ويب ڊيسڪ) آمريڪا اعتراف ڪيو آهي ته ”اسلامڪ اسٽيٽ“ جي شڪي ويڙهاڪن خلاف ڪيل تازو ڊرون حملو هڪ غلطي ثابت ٿيو ۽ ان جي نتيجي ۾ ٻارن سميت 10 افغان شهري مارجي ويا.

آمريڪي مرڪزي ڪمان جي ڪمانڊر جنرل ڪينٿ مڪ ڪينزي ان واقعي جا جاچ ختم ٿيڻ کانپوءِ هڪ پريس ڪانفرنس ۾ تسليم ڪيو ته اها غلطي هئي، پوءِ آمريڪي پرڏيهي وزير لائڊ آسٽن متاثرن سان افسوس جو اظهار ڪيو ۽ معافي به گهري.

آمريڪا طرفان متاثر خاندانن کي امدادي رقم فراهم ڪئي ويندي پر في الحال اهو واضح ناهي ته ڪڏهن ۽ ڪيتري.

واضح رهي ته اهو واقعو 29 آگسٽ تي ڪابل ۾ پيش آيو هو، جنهن ۾ آمريڪي فوج جي هڪ انٽيليجنس رپورٽ تي ڪارروائي ڪندي هڪ گاڏي کي نشانو بڻايو ويو هو.