November 28, 2021

عمر شريف جي وڇوڙي قومي ڪرڪيٽرن جون دليون به ٽوڙي ڇڏيون

 

ڪاميڊين ڪنگ عمر شريف جي لاڏاڻي تي ڪرڪيٽ سان سلهاڙيل شخصيتن تي گهري افسوس جو اظهار ڪيو آهي.

اڳوڻي ڪرڪيٽر ۽ پاڪستان ڪرڪيٽ بورڊ جي چيئرمين رميز راجا عمر شريف جي لاڏاڻي تي افسوس جو اظهار ڪندي چيو ته مون کي وڏو ڏک آهي، هو پنهنجي شعبي ۾ بهترين هو، اسان ان کي موجوده مايوسي جي دور ۾ به گهڻو ياد ڪنداسين.

اڳوڻي ڪپتان وسيم اڪرم چيو ته ماڻهن کي کلائڻ دنيا جو ڏکيو ترين ڪم هوندو آهي پر عمر شريف اهو ڀرپور مهارت سان ڪيو، مان سدائين ان جي ڪاميڊي انجواءِ ڪئي، سڀني کي کلائيندڙ سڀني کي روئاري ويو، الله مغفرت فرمائي.

قومي ڪرڪيٽ ٽيم جي ڪپتان بابر اعظم چيو ته عمر شريف جي لاڏاڻي تي دل ٽٽي پئي، الله پاڪ سندس مغفرت فرمائي، درجا بلند فرمائي ۽ کيس جنت الفردوس ۾ جاءِ عطا فرمائي.

اڳوڻي فاسٽ بالر شعيب اختر، اڳوڻي اسٽار آل رائونڊر شاهد آفريدي، تجربي ڪار آل رائونڊر محمد حفيظ، آل رائونڊر شاداب خان ۽ ٻين پڻ ليجنڊ اداڪار عمر شريف جي لاڏاڻي تي ڏک جو اظهار ڪندي سندس پونئيرن ۽ مداحن سان تعزيت جو اظهار ڪيو آهي.