November 28, 2021

جوفرا آرچر ڪهڙي پاڪستاني ڪرڪيٽر کي پسند ڪري ٿو؟

لنڊن (ويب ڊيسڪ) انگلينڊ جي فاسٽ بالر جوفرا آرچر ٽي ٽوئنٽي ورلڊ ڪپ لاءِ پنهنجي پسنديده رانديگرن جا نالا ٻڌائي ڇڏيا.

ٽي ٽوئنٽي ورلڊ ڪپ جو ميلو 17 آڪٽوبر کان دبئي ۾ شروع ٿي رهيو آهي، جنهن جون تياريون زور شور سان جاري آهن.

ان سلسلي ۾ مختلف ڪرڪيٽرن طرفان پنهنجي پسنديده ڪرڪيٽرن جا نالا ٻڌائڻ جو سلسلو به جاري آهي ۽ انگلش پيسر جوفرا آرچر پنهنجي 6 پسنديده ڪرڪيٽرن جا نالا ٻڌائي ڇڏيا آهن.

آرچر قومي ٽيم جي فاسٽ بالر شاهين آفريدي کي ٽي ٽوئنٽي اوورسيز ورلڊ ڪپ اسٽارز ۾ شامل ڪري ورتو آهي.

6 رانديگرن جي فهرست ۾ هن راشن خان، ڪگيسو ربادا، هاسارنگا، ڪوئنٽن ڊي ڪوڪ ۽ آندري رسل جي چونڊ به ڪئي آهي.

جوفرا آرچر چيو ته شاهين آفريدي بيٽسمينن لاءِ چئلينج هوندو، هو بال کي سوئنگ ڪرڻ جي صلاحيت رکي ٿو ۽ ڊيٿ اوورن ۾ وڏيون تبديليون آڻيندو آهي.

سندس چوڻ هو ته قدآور شاهين آفريدي اهڙو بائونس آڻيندو آهي، جيڪو ٻيا ناهن ڪري سگهندا.