August 13, 2022

پلاند اڃا رهيل آهي: پاڪستاني شوقين نيوزيلينڊ تي ڏمريل

1 min read

ڪراچي (ويب ڊيسڪ) سيڪيورٽي خدشن جو جواز ڄاڻائي پاڪستان جو دورو رد ڪندڙ نيوزيلينڊ جي ٽيم تي پاڪستاني شوقين ڏمريل آهن ۽ انهن سوشل ميڊيا تي ميمز جون طوفان آڻي ڇڏيو آهي.

آءِ سي سي ٽي ٽوئنٽي ورلڊ ڪپ ۾ اڄ پاڪستان ۽ نيوزيلينڊ جون ٽيمون آمهون سامهون آهن، اهو ئي سبب آهي جو ٽوئيٽر تي پاڪستان ۽ نيوزيلينڊ جو هيش ٽيگ ٽرينڊ ڪرڻ لڳو آهي.

واهپيدارن جو وڏو انگ نيوزلينڊ جي ”بي وفاقي“ تي دلچسپ ميمز ٺاهي رهيو آهي، جن کي فيس بُڪ ۽ انسٽاگرام تي پڻ شيئر ڪيو پيو وڃي.

هڪ ٽوئيٽر واهپيدار لکيو ته ”رڳو انتظار ڪيو ۽ ڏسو، اسان ته تبديل ٿيا آهيون، پلاند اڃا رهيل آهي“.

هڪ ميم ۾ ڪپتان بابر اعظم، محمد حفيظ ۽ شاهين آفريدي کي فوج جي لباس ۾ ڏيکاريو ويو، جنهن ۾ لکيل آهي ته ”اسان توهان کي سرپرائز ڏينداسين“.

هڪ واهپيدار بابر اعظم ۽ ڪيوي ڪپتان جي تصوير شيئر ڪئي، جنهن تي لکيل آهي ته ”خطرو آهي پر سيڪيورٽي جو نه“.

Follow by Email
YouTube
YouTube