August 13, 2022

قومي ٽيم جي مسلسل ڪاميابين تي شوبز شخصيتون پريشان!

1 min read

ڪراچي (ويب ڊيسڪ) ٽي ٽوئنٽي ورلڊ ڪپ ۾ قومي ٽيم جي مسلسل ڪاميابين جتي شوبز شخصيتن کي خوش ڪري ڇڏيو آهي، اتي ئي وري کين قومي ٽيم کي نظر لڳڻ جي ڳڻتي به ورائي وئي آهي.

پاڪستاني ٽيم ٽي ٽوئنٽي ورلڊ ڪپ ۾ ڀارت، نيوزيلينڊ ۽ افغانستان کي شڪست ڏئي ڪاميابين جي هيٽ ٽرڪ ڪري ورتي آهي، جنهن تي نه رڳو پاڪستاني عوام پر شوبز شخصيتون به خوش نظر اچي رهيون آهن.

گلوڪارا مومنا مستحسن ٽوئيٽر تي چيو ته قومي ٽيم شاندار راند ۽ نظم ضبط جو مظاهرو ڪري رهي آهي، جنهن سان انهن جون تعريفون ٿيڻ لڳيون آهن.

اداڪارا اشنا شاهه رانديگرن جي تعريف ڪندي لکيو ته ورلڊ ڪپ جي ٽرافي گهر آڻڻ سان عالمي برانڊ ۽ ادارا قومي ٽيم کي تسليم ڪندا.

سينيئر اداڪار همايون سعيد به ٽيم جي تعريف ڪئي ۽ خاص طور تي آصف علي جي ڪارڪردگي کي ساراهيندي چيو ته قومي ٽيم جا فائنل ۾ پهچڻ جا امڪان واضح ٿي ويا آهن.

اداڪارا ڪبريٰ خان کي ته پاڪستاني ٽيم جي مسلسل ڪاميابين کانپوءِ گرين شرٽس کي نظر لڳڻ جي ڳڻتي ورائي وئي ۽ هن خواهش ظاهر ڪئي ته مان قومي ٽيم جي نظر لاهڻ جي خواهشمند آهيان.

ٽوئيٽر تي ڪبريٰ لکيو دل ته چئي ٿي پاڻ ئي پنهنجي ٽيم جي نظر لاهيان، هڪ کانپوءِ هڪ فتح سان ڪٿي اسان جي ٽيم کي ڪنهن جي نظر نه لڳي وڃي.

Follow by Email
YouTube
YouTube