January 18, 2022

برطانيا ۾ طوفان تباهي مچائي ڇڏي

برطانيا ۾ ”آرون“ طوفان تباهي مچائي ڇڏي، اسڪاٽ لينڊ، اتر انگلينڊ، ويلز ۽ سامونڊي علائقن ۾ تيز هوائن، شديد برفباري ۽ برسات سبب ڪيترائي وڻ ڪري پيا جڏهن ته هڪ لک کان وڌيڪ گھرن جي بجلي معطل ٿي وئي.

پرڏيهي ميڊيا موجب مختلف شاهراهن تي سڄي رات ٽريفڪ جام رهي، وڻ ڪرڻ سبب حادثن جي نتيجي ۾ٻه ڄڻا فوت ٿي ويا.

برطانوي موسميات کاتي موجب سڄي رات هلندڙ 70 کان 80 ميل في ڪلاڪ جي رفتار سان تيز هوائن سبب مختلف عمارتن کي نقصان پهتو، جهازن کي لينڊنگ ۾ به ڏکيائيون پيش آيون.

طوفاني هوائن سبب هاءِ وي تي ٽرڪ ڪلٽي ٿي پئي، ڪيترائي وڻ پاڙ کان پٽجي پيا، وڻ ڪرڻ ۽ برفباري سبب اسڪاٽ لينڊ، اتر انگلينڊ جي ڪيترين ئي شاهرائن تي ٽريفڪ جام رهي.

موسميات کاتي موجب اسڪاٽ لينڊ، اتر انگلينڊ، ويلز ۽ سامونڊي علائقن ۾ طوفاني هوائن جي ريڊ وارننگ جاري ڪئي وئي هئي.

موسميات کاتي جو چوڻ آهي ته اڄ لاءِ به تيز هوائن ۽ برفباري جي اڳڪٿي ڪئي وئي آهي، خراب موسم سبب اختيارين عوام کي غير ضروري سفر نه ڪرڻ جي هدايت به ڪئي آهي.

Follow by Email
YouTube
YouTube