January 18, 2022

طبي ماهرن جو ”اومي ڪرون“ جي اثرن بابت اهم بيان

پريٽوريا (ويب ڊيسڪ) ڏکڻ آفريقا ميڊيڪل ايسوسيئيشن جي سربراهه ڊاڪٽر اينجيلڪ ڪوئيٽزي ڪورونا وائرس جي نئين قسم ”اومي ڪرون“ جي اثرن بابت اهم بيان جاري ڪيو آهي.

صحافين سان ڳالهائيندي ڊاڪٽر اينجيلڪ ڪوئيٽزي چيو ته گذريل 10 ڏينهن ۾ ڪورونا جي اڻڄاتل علامتن سان تقريبن 30 مريضن جو معائنو ڪيو ويو، متاثرن کي غير معمولي ٿڪاوٽ جي شڪايت هئي.

هن ٻڌايو ته اڪثر مريضن جي عمر 40 سالن کان گهٽ هئي ۽ انهن مان اڌ ويڪسينيٽڊ نه هئا، ڪجهه مريضن کي جسم ۾ سور، ڳلي ۾ خرابي، خشڪ کنگهه ۽ بخار جون علامتون هيون.

سندس چوڻ هو ته ڪورونا وائرس جي نئين قسم جي خطري جي شدت ۽ پکيڙ جي حوالي سان اڃا تائين ڳالهيون واضح ناهن، يقيني طور يورپ ۾ اهو ويرينٽ اڳ کان موجود هوندو.

ڏکڻ آفريقا ميڊيڪل ايسوسيئيشن جي سربراهه چيو ته اومي ڪرون سان متاثر مريضن ۾ علامتون معمولي آهن ۽ اهي اسپتال ۾ داخل ٿيڻ بنا صحتياب ٿي رهيا آهن.

Follow by Email
YouTube
YouTube