May 22, 2022

بوبي ديول پاڪستاني مداح جو ٿورائتو

بالي ووڊ اداڪار بوبي ديول پنهنجي پاڪستاني مداح جي بي انتها محبت تي سندس ٿورا مڃيا آهن.

ڪراچي سان واسطو رکندڙ عورت منال فهيم گذريل ڏينهن ٽوئيٽر تي بوبي ديول کي سالگرهه جي اڳواٽ مبارڪ ڏني هئي.

منال فهيم ڪيڪ سان گڏ پنهنجي تصوير ٽوئيٽر تي شيئر ڪندي لکيو ته 27 جنوري تي بوبي ديول جي سالگرهه آهي ۽ مان هر سال ان جي سالگرهه ملهائيندي آهيان پر هن سال چاهيان ٿي ته بوبي ديول پاڻ منهنجي پوسٽ ڏسي ۽ ڄاڻي ته پاڪستان ۾ موجود هڪ ڇوڪري هر سال ان جي سالگرهه ملهائيندي آهي.

بوبي ديول، منال فهيم جي ٽوئيٽ کي نه رڳو ري ٽوئيٽ ڪيو پر ايتري محبت ڏيڻ تي سندس ٿورا به مڃيا ۽ ان لاءِ نيڪ خواهشن جو اظهار ڪيو.

Follow by Email
YouTube
YouTube